LINGUA DI POPULU

LINGUA DI POPULU
Alphonse Doria
(Da: DI PRIMA MATINA – Siculiana, 10 aprili 2011)
 
Comu na surgiva la senti,
c’acchiana d’intra di tia
comu u’ pinzeri putenti
e addiventa parola, pujsia.
A lingua d’a nostra genti,
tingiuta comu na tinturia,
 cinima e mezzi putenti
caruselli  e a fantasia:
lingua d’ogni dilinguenti,
d’ogni razza e d’ogni sia.
U Sicilianu è ‘nportanti,
è na Lingua millinaria,
anima di tutti quanti
amanu a dimucrazia
e a libertati d’ogni genti.