MATRI BINIDITTA

MATRI BINIDITTA
Alphonse Doria
(Da: DI PRIMA MATINA –Siculiana, 22 maju 2011)
Premessa: Il grande valore del ruolo della madre, viene continuamente svalutato e offeso, mentre è l’episodio più bello e importante  delle donne, ma soprattutto degli uomini.
 
Biniditta l’ura e mumentu
c’accittassi corpu e spirito
a purtari ‘ncuncipimentu
stu fruttu d’amuri prilibatu.
U to’ corpu, artaru santu,
è la figura d’u criatu
 cu gioia e sintimentu
 pazzamenti ‘nnamuratu.
Brilla ogni stidda,
 ciuri pi ciuri spunta
e ogni angilu canta
pi diriti: Oh, bedda!
Mentri li to’ paroli,
 da ddi labbruzza duci,
sunnu latti e meli
c’addiventanu vuci.
E’ ricolmu ogni cori
 di sirenu e vera luci
comu intimu tipuri
p’i to’ occhiuzzi duci.
La peddi s’accapuna
a d’ogni to’ carizza
 pi chiddu ca ni duna:
veru amuri e saggizza.
E arristannu ‘ncinta
di tutti quantu natri
tu si la Terra Santa
pi tutti nostra Matri.