SABATU SANTU

Sabatu Santu

Cu è chiddu di sta vita ca dici  no a u to’ Amuri?

Cu è chiddu ca di sta notti ‘un vidi la to’ luci?

Cu è chiddu ca Ti cerca cu virità tra li vivi?

Cu è chiddu ca senti la to’ Vuci ca lu chiama?

Eppuru lu dicissi chiaru di circariti nni li strati,

nna li carciri, nna li spitala a latu a nautri,

nni ogni furisteru,  puvireddu ca havi fami,

nni chiddu c’havi abbisognu di pietà, di carità,

semu natri ca ‘un Ti circamu, ca è cchiù comudu,

è cchiù comudu u’ Diu mortu, un Sabatu Santu

pi sempri! ca rapiri l’occhi, rinnigari Mammuni

e curriri a du passi di nautri ad abbrazzariTi,

e pintuti ‘nfunnu, addummanari ca ni pirduni.

Si stu pinzeri ni veni un sulu mumentu

Avemu milli cosi pi sturdillu stu sintimentu:

rancuri pi la ‘ngiustizia di stu munnu,

trastulli di la menti e rumura di la televisioni

ca puru si semu suli suli arristamu rimbabiti

taljamu, ascutamu, luntani, isuli umani

tra chiddu chi semu distanzi ‘nfiniti!

Cu è chiddu ca ‘un senti la to’ vuci?

Cu è chiddu ca nun Ti cerca cchiù ‘n cruci?

TRADUZIONE

Sabato Santo

Chi è quello che in questa vita dice no al tuo Amore?

Chi è quello che in questa notte non vede la tua luce?

Chi è quello che veramente Ti cerca tra i vivi?

Chi è quello che sente la tua voce che lo chiama?

Eppure lo hai detto chiaramente di cercarti per le strade,

nei carceri, negli ospedali, in quello accanto a noi,

in ogni forestiero, povero che ha fame,

in quello che ha bisogno pietà, carità,

siamo noi che non Ti cerchiamo, perché è più comodo,

è più comodo un Dio morto, Sabato Santo

per sempre! Che aprire gli occhi, rinnegare Mammone

e correre a due passi da noi ad abbracciarTi

e pentiti nel più profondo chiederTi di perdonarci.

Se questo pensiero ci venisse un solo momento

Avremmo mille cose per stordillo questo sentimento:

rancore per l’ingiustizia di questo mondo,

trastulli della mente e rumori di televisione,

tanto che anche da soli soli restiamo rimbambiti,

guardiamo, ascoltiamo, lontani, isole di umani,

tra ciò che noi siamo distanze infinite!

Chi è quello che non sente la tua voce?

Chi è quello che non ti cerca più in croce?