Almanaccu Sicilianu – Lugliu

Lugliu u so’ nomu trova urigini da lu latinu Lulius pi scangiamentu da Julius, pirchì è un misi ca fu didicatu a Giuliu Cesari. Ni la lingua francisi fa  juillet unni pruveni  u nomu di stu misi juliettu e giugnettu. Na lu  44 a. C. u mesi di Quintilis fu chiamatu appuntu  lulius, e na lu 46 a.C. fu accusì istituitu u calannariu giulianu, chiamatu accussì pirchì u massimu puntefici era appunto Giuliu Cesari. Gaju Giuliu Cesari nascì a Roma u 13 Lugliu di l’annu 100 a.C. (101?), murì cumu la storia cunta, a Roma u 15 Marzu di u 44 a.C. Fu militari, consuli, dittaturi, scritturi e uraturi. Cesari è la figura di la storia di Roma e di la rumanitati. Na lu 50 a.C. Cesari “passà u Rubbicuni” e scatinà i guerri civili  ca duraru finu a lu 45 a.C., Cesari ajva quasi pigliatu Pumpeu na lu tentativu di firmarlu na lu portu di Brindisi cu la flotta sinaturiali, ca arrinisceru a scappari a Durazzu e Cesari ‘un potti jcalli ca ‘un ajva navi, mannà parti di li so’ forzi ‘n Sardegna e ni l’Arcipelagu Sicilia. I Sardi e i Siciliani accuglieru i cesariani sbarcati e si rivurtaru contru u Sinatu. ‘Un ci fu battaglia pirchì u Populu Sicilianu anzi l’accugli a li surdati di cesari. U guvirnaturi di la Sicilia da sulu prutistà contru l’emissariu di Cesari Asiniu Polliuni. Accussì li truppi di Cesari appiru sia l’appruvigiunamentu di frummentu pi Roma, ca s’ajva riduciuti dopu li ruvinusi scunfitti in Africa da li truppi di Scriboniu Curione da lu re Giuba I di Numidia sia u postu strategicu pi sbarcari na lu Nord Africa contru li sustinitura di Pompeu. Ni st’uccasiuni l’Arcipelighu Sicilia addivintà lu granaru di Roma, accussì a la trinacria foru jcati tri spichi. (Ni la figura: na ricustruzziuni di la facci di Cesari – fonti: romanoimpero.com; munita d’argentu siracusana “Lentulus et Marcellus” 49 a.C.)

…

U 1° sabbatu di lu misi veni didicatu a la Jurnata Intirnazziunali di li Cooperativi.

continuate a leggere: